იმპერატორ იოანე კანტაკუზელის გარდამოხსნა – ეპიტაფია, დათარიღებული1354 წლით
4 December 2012გარდამოხსნა – ეპიტაფია საღმრთისმსახურებო ტიპისაა. ამოქარგულია წვრილი სირმით აბრეშუმის ცისფერ ქსოვილზე, ადგილ-ადგილ კი – თავთუხისფერ, ფორთოხლისფერ, შავ და წითელ აბრეშუმზე. გამოყენებულია ე.წ გადამჯდარი გვირისტი, ვერტიკალური და მჭიდრო ძირით. მასზე გამოსახულია გარდაცვლილი ქრისტე, რომელიც შემოსილია მხოლოდ და მხოლოდ სუდარით. სუდარის ზედა ნაწილს ეხება მაცხოვრის ჯვარცმული ხელები. გარდამოხსნის კუთხეებში ოთხი მომსახურე ანგელოზია სახით გამოსახული, რომელთაც ხელში რიპიდები უპყრიათ. მათი სახეები იდეალურ ფორმათა კეთილშობილებას გამოხატავს, ხოლო ანგელოზთა მდებარეობა (დგომის მანერა) სცენის საღმრთისმსახურებო ხასიათზე მიანიშნებს. ორნამენტის გულმოდგინედ შესრულება ძირითადად თავს იჩენს ფორმათაგან ცარიელ ადგილებზე, სადაც იერი გარეგნულ შთაბეჭდილებას იძლევა, როგორც მრავალი მე-13 და მე-14 საუკუნეების მოქარგული ქმნილება, აქაც შესამოსელის ფონი დამშვენებულია სხვადასხვა ზომის ჯვრებით, რომელნიც მრავალფეროვან გეომეტრიულ ფიგურებში არიან განლაგებულნი ან კიდევ ერთმანეთთან დაკავშირებულნი არიან თანაბარფოთლიანი ეკლებით. უფალის ტერფთა ქვეშ არის გარდამოხსნის – ეპიტაფიის ძღვნად მირთმევის მიმანიშნებელი წარწერა, რომლითაც ცნობილი ხდება, რომ გარდამოხსნა იმპერატორმა იოანე VI კანტაკუზელმა ვატოპედის მონასტერს უსახსოვრა.