გარე სტოა

კათოლიკონის (მონასტრის მთავარი, საკრებულო ტაძარი) ნაგებობათა კომპლექსის  დასავლეთ მხარეს უჩვეულოდ გრძელი გარე სტოაა. მისი მშენებლობის თარიღი საბოლოო პუნქტამდე უკავშირდება 1678 წელს, როდესაც აშენდა ყოვლადწმინდა ღმრთისმშობლის სასწაულთმოქმედი ხატის ”მანუგეშებელის” სახელობის ეკვდერი, შემდგომ აღიმართა სტოა, საბოლოოდ კი ყოველივეს დასრულების შემდეგ 1704 წელს მოიხატა მისი შესასვლელის კედლები. საუბარია ორსართულიან ნაგებობაზე, რომლის დასავლეთი კედელი ერთიმეორეზე მიყოლებულ თაღთა წყებას მოიცავს. სტოას პირველი სართულის შვიდი თაღოვანი ჭრილიდან სამი ამოშენებულია მარმარილოს პარაპეტით და ქვის შვერილებით. მეორე სართულის ყველაზე დაბალი კოლონადა მოიცავს თხუთმეტ თაღოვან ჭრილს. ნაგებობის ორივე დონე უჭირავს  ხის  ძელოვან სახურავს. მეორე სართულის იატაკი კი მარმარილოთია  მოპირკეთებული და ხის კონსტრუქციას ეყრდნობა. გარე სტოას ჩრდილოეთ მხარეს  მდებარეობს კიბის უჯრედი, რომელიც მე–19 საუკუნის დასაწყისში შეიქმნა, იგი მიემართება გასასვლელის მესამედან მეოთხე დონეზე. მეორე ბოლოში კი მონასტრის საათის კოშკურაა.