მარმარილოს კანკელი

ძველი კანკელის სხვა ორი ნაწილი გამოყენებულია სატრაპეზოს სამხრეთ და აღმოსავლეთ შესასვლელის ჩარჩოების კარნიზებად. ზემოთხსენებული ეკვდერის (ყოვლადწმინდა ღმრთისმშობლის  სარტყელის ეკვდერი) გუმბათი ეყრდნობა ოთხ სვეტს, რომელიც ასევე კანკელის ნაწილებია. ოთხი პარაპეტი რომელიც დღესაც კათოლიკონის გარე სტოას ბურჯებს ამშვენებს, შემოფარგლულია ირიბად მოჭრილი პარაპეტის გვირგვინით, რომელიც სავარაუდოდ უძველეს კანკელს ეკუთვნის. მარმარილოს ეს ნაწილები ძირითადად შემკულია გეომეტრიული და მცენარეული დეკორით, ჩაწერილი წრეებში ან ინტეგრირებული მართკუთხედ ფორმებში ფოთლოვანი ჯვრების კომბინაციით. დეკორის შესასრულებლად გამოყენებულია ტექნიკური ნაირსახეობა (ჩაზნექილი პრიზმული ფორმის, პერფორირებული და სიბრტყითი კვეთა). პირვანდელი კანკელის საყრდენი ბურჯებითა და კვარცხლბეკზე დარჩენილი ნაკვალევით შესაძლებელია წარმოდგენა შევიქმნათ მის კომპოზიციაზე, რომელიც განთავსებული ყოფილა საკურთხევლის გამყოფი კედლების დასავლეთი ფასადის წინ და უწყვეტად იყო გადაჭიმული შენობის ჩრდილოეთიდან სამხრეთ კედლამდე. ჩანს, რომ იგი წარმოადგენდა წმინდა მთის ერთ-ერთ მნიშვნელოვან კანკელს, როგორც ფორმით, ისე კვეთის დეკორის ხარისხით.