წმინდა ანას მოზაიკური ხატი XIV ს-ის დასაწყისი

ეს არის მცირე ზომის (25X20 სმ) ხატი, რომელზეც გამოსახულია წმინდა ანას იშვიათი ხატწერის კომპოზიცია. მარცხენა ხელში უჭირავს ყოვლადწმინდა ღმრთისმშობელი, სულისშემძვრელია არსებული ერთობა, დედა ღმრთისას უჭირავს ჩვილი იესო. წმინდა ანა გამოსახულია მთელი სხეულით, ფეხთბალიშზე მდგომი, ოდნავ მიტრიალებულია მარცხენა მხარეს და უყურებს ყოვლადწმინდა ღმრთისმშობელს. მოზაიკის შემქნელი შეეცადა ფერწერით გადმოეცა სახეთა ხასიათი, ამისათვის გამოყენებული აქვს მიკროსკოპული ზომის მოზაიკის ნატეხები, რომლებიც ისე დააკავშირა, რომ გამოეკვეთა ფერთა სიღრმეები. ტანსაცმელი წარმოქმნის ფართო, ბრტყელ ნაკეცებს, რომელთა ბოლოებში იკვეთება ვერცხლისფერი მოზაიკა. ხატის უკიდურესად ქვედა ნაწილი, ზოლი დამტვრეული ხაზით, რომელიც ქმნის ცენტრალურ გამოსახულებას და ასევე წმინდანთა შარავანდედები გამშვენებულია მრავალფერადი მოზაიკით, მაშინ, როცა ზედა ნაწილში გამოყენებულია მხოლოდ ვერცხლისფერი ნატეხი. ხატი დაბრძანებულია კარგად დამუშავებულ ხის ჩარჩოში და დაფარულია ვერცხლის შესამოსელით. როგორც ხატი, ისე ჩარჩოს ვერცხლის პერანგი სავარაუდოდ შექმნილია ერთდროულად XIV ს-ის  დასაწყისში.