ზოგრაფის წმიდა მონასტერი
26 March 2013ზოგრაფის მონასტერი დაარსებულია 980 წლამდე. სავარაუდოდ, ხატმწერის, ვინმე გიორგის მიერ. უკვე ბიზანტიური პერიოდიდან წარმოიშვა ტრადიცია, რომლის მიხედვით, ზოგრაფის მონასტერში განმარტოებით ცხოვრობდნენ ბულგარელი მონაზვნები. თუმცა კი, მონასტერი ყოველთვის დაკომპლექტებული იყო სხვადასხვა ეთნოსის მქონე მონაზვნებისგან. მხოლოდ 1845 წლიდან დამკვიდრდა ტრადიცია, რომლის მიხედვით, საღმრთისმსახურებო ენად გამოიყენებოდა მხოლოდ ბულგარული ენა. მანამდე კი, ასევე იყენებდნენ ბერძნულ ენასაც. მონასტრის კათოლიკონი (მთავარი, საკრებულო ტაძარი) წმიდა გიორგის სახელობისაა. იგი აგებული არის 1801 წელს, ხოლო მისი ფრესკები მიეკუთვნება 1817 წელს. მონასტრის ყველაზე მნიშვნელოვანი რელიკვიებიდან აღსანიშნავია წმიდა გიორგის „ხელთუქმნელი“ ხატი, რომელსაც ტრადიცია მონასტრის დამაარსებლებს უკავშირებს, ასევე იგივე წმიდანის სხვა ხატი და მონაზონი პაისი ხილანდარელის (მე-18 საუკუნე) ხელნაწერი, რომელშიც ჩაწერილია ბულგარელი ერის ისტორიის პირველი შედგენილობა.