კონსტამონიტის (კასტამონიტის) წმიდა მონასტერი
5 June 2013კონსტამონიტის (კასტამონიტის) მონასტერი მე-11 საუკუნის პირველ ნახევარში დაუარსებია უცნობ პიროვნებას, რომელიც წარმოშობით მცირე აზიის კასტამონიდან იყო. სწორედ ამ ადგილს უნდა უკავშირდებოდეს მონასტრის სახელწოდებაც. მისი ახალი აღმშენებელი კი ალი ფაშას მეუღლე კირა (ქალბატონი) ვასილიკია, რომლის ფულადი დახმარებით, დაახლოებით 1819-1820 წლებში, მონასტრის დიდი ნაწილი იქნა აღდგენილი. კათოლიკონი (მთავარი, საკრებულო ტაძარი) პირველმოწამე სტეფანეს სახელობისაა, აგებულია 1867 წელს და ამ ადგილზე აშენებულ ტაძართა შორის რიგით მეოთხეა. მონასტრის მნიშვნელოვან რელიკვიებს შორის აღსანიშნავია სამი სასწაულთმოქმედი ხატი: პირველმოწამე სტეფანეს, ოდიგიტრიას (გზის მაჩვენებელი) და ანტიფონიტრიას (შემხმიანებელი) ყოვლადწმიდა ღმრთისმშობლის ხატები.