კეთილშობილება სულისა
23 March 2016მარხვის მიმდინარებისას გვმართებს თავშეკავება არამარტო საკვებისაგან, არამედ ბოროტი ავხორცობისაგან. ყოველ ქრისტიანს ვისაც ცხონება სურს – უნდა მოიზიდოს გონება, მიიღოს მტკიცე გადაწყვეტილება იცხოვროს უბრალოდ, მოკრძალებით, მთელი მონდომება მიმართოს შინაგან და არა გარეგან მოკაზმულობაზე. გარეგანი ჭურჭელი ინგრევა, იშლება, ხდება ჭიის ნადავლი და ექვემდებარება ხრწნას. ხოლო სულის მშვენიერება კი არ იხრწნება, არამედ კეთილშემოსილი სულიწმიდით კეთილშობილდება უფრო და უფრო.